Мураббий америкалик ва ўзбекистонлик боксчилар ўртасидаги фарқни айтди

"Биласизми, менда машғулот ўтаётган ҳар бир ўзбекнинг бошқа нормал америкалик жангчидан фарқи - бу, унинг интизоми. Уларга ёшликдан бу нарса уқтирилган. Бу нарса оддий америкаликларда йўқ. Ҳаммаси ҳам эмас албатта, лекин асосан шундай. Ўзбек жангчиларида биргина мақсад бор - жаҳон чемпионлиги. Уларда 100 фоизлик интизом, аниқ мақсад бор. Улар нолишмайди. Ўзбек боксчилари Америкага ўйин-кулгу учун келишмаган. Мана икки тарафнинг фарқи нимада. Мен ўзбек боксчилари билан ишлашни севаман. Сабаби, бу жараёнда мен деярли стресс ҳолатига дуч келмайман. Улар менинг кўрсатмаларимга сўзсиз амал қилишади.

Яна бир ҳайратланарли жиҳат шундаки, улар жуда мулойим ва ҳазилкаш йигитлар. Муроджон Аҳмадалиевни қаранг, у чемпион. Исроил Мадримовни қаранг у яқинда чемпионлик жанги учун рингга чиқади. Шахрам Ғиёсов-чи? Шунга қарамасдан улар жуда ажойиб инсонлар. Улар менинг фарзандларимдек бўлиб қолишган", - деди Жоэл Диас Boxing Social ютуб каналига берган интервьюсида.