01 янв 14:01
Янгиликлар

Бокс/ММА

Мураббий Биволнинг қачон рингга қайтишини айтди

Яримоғир вазн (79,4 кг) тоифасида WBA чемпиони Дмитрий Бивол (21-0, 11 KO)нинг қачон рингга қайтиши маълум қилинди.

Бу ҳақда унинг мураббийи Геннадий Машьянов хабар берди.

"Агар Артур Бетербиев билан жанг амалга ошса, у 2023 йилнинг охирида ўтказилади. Чунки Артур январь ойида ўз жангини ўтказади. Дима эса апрель ойида рингга қайтади. Катта эҳтимол билан унинг рақиби Жошуа Буатси бўлади. Ёки бошқа бир инглиз жангчиси билан тўқнаш келади.

Албатта, биз 2023 йилда мутлақ жаҳон чемпионлиги жанг ўтказилишини хоҳлаяпмиз. Қайси вазнда? Бунинг аҳамияти йўқ. Агар Канело рози бўлса, бу жанг 76 кг вазнда ташкил этилади", – деди Машьянов.