Мураббий Мэнни Пакьяонинг рингга қайтишига қарши бўлганди

Эслатиб ўтамиз, Пакьяо 19 июль куни Лас-Вегасда (АҚШ) жаҳон чемпиони, ярим ўрта вазнда WBC камар соҳиби Марио Барриосга қарши жанг ўтказади.

"Ростини айтсам, мен Пакьяонинг рингга қайтишини хоҳламаганман, чунки у аллақачон энг буюк боксерлардан бири сифатида тарихга кирган ва кўп нарсага эришган. Лекин у ҳали ҳам битта жанги қолганини, ўзини дунёга яна бир бор исботлаши кераклигини айтаверади.

Кунлардан бири, бокс шоуларидан бирида Мэнни хотини билан бирга менинг ёнимга ўтирди. Ва унинг хотини Пакьяони яна бир бор рингда кўришни хоҳлашини айтди. Бу мен учун ҳайратли эди. Чунки аввалроқ у ҳар доим Мэннини боксдан кетишга чақирган эди. Энди эса у ҳам жанг қилишига рози.

Мендан Пакьяо кимга қарши жанг қилиши кераклиги сўралганда, "бу фақат битта жанг бўлади ва у энг яхши рақибга қарши ўтказилиши керак", деб жавоб бердим. Бу шундай рақиб бўлиши керакки, Пакьяо уни рингда тўлиқ назорат қилолсин. Менимча, у бундай рақибни енгишга қодир", — деди Роучнинг сўзларини келтиради Boxing Scene.