Мурадов МРL'3 турнири чипталар сотувидан тушган маблағни хайрия қилди + ФОТО

Ушбу турнирнинг чипталар сотувидан тушган маблағ Ангрен шаҳар 34-сонли таянч ҳаракат аъзолари шикастланган болалар учун ихтисослаштирилган мактаб-интернатига хайрия қилинди. Бу ҳақида Маҳмуд Мурадов Instagram саҳифасига пост жойлаб, маълум қилди. Ангрен шаҳрига Мурадов билан биргаликда кечада жанг қилган жангчиларимиз ҳам боришган. 

"Бугун биз болаларни хурсанд қилиш мақсадида Ангрен шаҳрига келдик. Muradov Professional League турнирининг чипталар сотувидан тушган маблағга болалар учун совғалар ва керакли жиҳозларни харид қилдик. Биз муҳтожларга ёрдам беришдан жуда хурсандмиз ва энг муҳими, турниримизда иштирок этганларнинг ҳар бири ушбу хайрия иштирокчисига айланди. Бугун болалар сиз сабабли бахтиёр. Қўллаб-қувватлаганингиз учун барчангизга раҳмат", - дея пост қолдирган Мурадов.