16 июн 15:17
Янгиликлар

Бокс/ММА

Мурат Гассиевнинг супероғир вазндаги дебюти казинода бўлиб ўтади

Биринчи оғир вазн тоифасида собиқ WBC ва IBF йўналишлари чемпиони Мурат Гассиев ниҳоят супероғир вазнда дебют қилади.

Россиялик боксчи кузда Сочи шаҳридаги казиноларнинг бирида рингга кўтарилади. Бу ҳақида Россия бокс федерацияси бош котиби Умар Кремлёв хабар берди.

"Ҳа, Муратнинг жангини Сочи шаҳридаги казиноларнинг бирида ўтказишни режалаштиряпмиз. Лекин Гассиевнинг дебюти аниқ ёз фаслида бўлмайди. Биз куз ойларини мўлжаллаяпмиз", — дея Кремлёвнинг сўзларини келтирмоқда ТАСС.

Эслатиб ўтамиз, Мурат Гассиевнинг супероғир вазндаги дебюти аслида 2019 йили ўтказилиши керак эди. Лекин юзага келган қатор муаммолар сабаб унинг жанги бир неча бор бекор қилинганди. 26 ёшли боксчи проф рингдаги 28 та жангининг 26 тасида ғалаба (19 та нокаут) қозонган. Битта жангда мағлубиятга учраган ва яна бир баҳс ўтказилмаган деб топилган.