27 апр 08:28
Янгиликлар
Бокс/ММА
Муроджон Аҳмадалиев Иноуэ билан бир оқшомда жанг қилмайди
4 май куни АҚШнинг Лас-Вегас шаҳридаги T-Mobile Arena мажмуасида йирик профессионал бокс оқшоми ташкил этилади.
Оқшомнинг марказий жанги иккинчи энг енгил вазн тоифасида япониялик мутлақ жаҳон чемпиони Наоя Иноуэ ҳамда америкалик Рамон Карденас ўртасида кечади.
Аввалроқ, менежер Вадим Корнилов мазкур турнир доирасида иккинчи энг енгил вазнда Иноуэ эгаллаб турган WBA камарига мажбурий даъвогар, WBA Interim соҳиби Муроджон Аҳмадалиев ҳам рингга кўтарилишини айтганди.
Бироқ Telegram платформасидаги BoxerTV каналининг ёзишича, Аҳмадалиев 4 май куни жанг қилмайди. Лекин май ойининг охирида яна ўз ишига қайтади.
Маълумот учун, Иноуэ ва Аҳмадалиев кейинги жангларида ғалаба қозонишган тақдирда, 14 сентябрь куни Токиода ўзаро тўқнаш келади.
Ҳавола :
Манба : t.me/BoxerTV
Фикрлар