Муроджон Аҳмадалиев келаси ой Тошкентда жанг ўтказиши мумкин

Бу ҳақида спортчи OlympicUz кўрсатувида маълум қилди. 

"Худо хоҳласа жангим 28 ноябрь куни Тошкентдаги "Ҳумо Арена"да ўтказишни режалаштиряпмиз.

Рақиб? Ҳозирда IBF йўналиши бўйича даъвогар япониялик боксчини ўрганяпмиз. Унинг бўйи узун, чапақай. Мураббийлар билан ўз устимизда ишлаймиз. Охирги жангдан ҳам икки баробар кўпроқ куч билан ишлашга ҳаракат қиламан", - деди Аҳмадалиев. 

Эслатиб ўтамиз, Аҳмадалиев IBF ва WBА йўналишларида иккинчи енгил вазн тоифасининг жаҳон чемпиони ҳисобланади. IBF йўналишида айни пайтда ТОП15да икки нафар япониялик боксчи бор. Улардан бири Хироаки Тешигавара бўлса (3-ўрин), яна бири 13-ўриндаги Рё Акаходир. Шунингдек, Рёсуки Иваса IBF йўналишида Interim камари соҳиби бўлиб турибди.