Муроджон Аҳмадалиев: "Мен бу ерга Япониянинг чиройли жойларини томоша қилиш учун келмадим"

Хусусан, чарм қўлқоп устамиз анжуманни кириш сўзи билан бошлаб, мақсади мутлақ жаҳон чемпиони бўлиш эканини айтди.   

"Мен бу ерга чемпионлик камарларини олиб кетиш учун келганман. Мақсадим - мутлақ жаҳон чемпиони бўлиб, тарихга кириш. Бунинг учун 14 сентябрь кунги жангда рингга боримни ташлаб чиқиб кетаман. Бу ерга Япониянинг чиройли, тарихий, диққатга сазовор жойларини томоша қилиш учун келмаганман. Жангда ҳар бир раундни ютишим керак. Бунинг учун жанг давомида рингда чиройли, тоза ва ақл билан ишлашга астойдил ҳаракат қиламан. Бу жангни икки йил кутдим. Берилган имкониятдан максимал даражада фойдаланиб қолишим шарт. Бунинг учун 100 фоиз куч билан жанг қиламан.

Фурсатдан фойдаланиб, ушбу жангни ўтказаётган ташкилотчилар, ҳомийлар, промоутерларга ўз миннатдорлигимни билдираман. Эртага тарози маросими, индинга жанг, демак, тарих ёзилишига оз фурсат қолди", - деди Аҳмадалиев.