Муроджон Аҳмадалиевнинг навбатдаги жанги юзасидан музокара ўтказилмоқда: эҳтимолий жанг санаси ва рақиби аниқ

Боксга ихтисослашган нуфузли BoxingScene нашрининг маълумот беришича, Аҳмадалиев 27 ёки 28 ноябрь куни "Matchroom Boxing" компанияси томонидан ташкил этиладиган шоуда ҳимоя жангини ўтказади. 

Ўша куни боксчимиз камарларини IBF йўналишида мажбурий даъвогар ва IBF Interim камари эгаси ҳисобланган япониялик Рёсуке Ивасадан ҳимоя қилиши лозим. 

Ҳозирча бу борада якуний қарор эълон қилинмаган. 

Маълумот учун, Муроджон Аҳмадалиев иккинчи енгил вазн тоифасида (-55,3 кг) IBF ва WBA камаралари соҳиби ҳисобланади. У проф рингда 8 та жанг ўтказиб, барчасида ғалаба қозонган (6 та нокаут). Япониялик 30 ёшли Иваса эса шу кунгача проф боксда 30 та жанг ўтказиб, уларнинг 27 тасида ғалаба қозонган (17 та нокаут). 3 маротаба мағлуб бўлган (2 та нокаут). У 2019 йилнинг декабрида АҚШда ўтказилган жангда филиппинлик Марлон Тапалесни мағлубиятга учратиб, IBF йўналишида вақтинчалик чемпионга айланганди.