30 апр 11:13
Янгиликлар

Mutua Madrid Open. Наоми Осаканинг юриши бошланди

Дунёнинг собиқ биринчи ракеткаси Наоми Осака Мадриддаги WTA турниридаги иштирокини ғалаба билан бошлаб олди.

Айни пайтда WTA рейтингида 36-ўринни эгаллаб турган япониялик теннис маликаси Mutua Madrid Open турнирининг илк даврасида жаҳоннинг 78-ракеткаси, россиялик Анастасия Потаповадан устун келди - 6/3, 6/1.

Теннисчилар кортда 62 дақиқа ҳаракат қилишган. Кунчиқар юрт вакиласи 6 та эйс, бешта брейкни амалга ошириб, тўпни ўйинга киритишда учта қўшхатога йўл қўйди. Бу теннисчиларнинг ўзаро илк учрашуви эди. Энди Осака иккинчи босқичда испаниялик Сара Соррибес-Тормога қарши кортга чиқади.