Мхитарян яна бир йил “Рома”да қолади

“Рома” Лондоннинг “Арсенал”и билан Генрих Мхитарян борасида келишувга эришди. Қайд этилишича, Рим клуби Мхитарянни яна бир йил жамоада олиб қолади. Арманистонлик футболчининг ижара шартномаси мавсум сўнгида якунига етарди. Энди Генрих 2020/21 йилги мавсум ҳам “Рома” сафида тўп тепади.

Маълумот учун, арманистонлик футболчи жорий мавсум римликлар сафида 22 та ўйинда қатнашиб, 6 та гол урди ва 4 та голли узатма берди.