07 апр 12:51
Янгиликлар
Футбол
МЮ 60 миллионга олган футболчисини сотишга тайёр
"Манчестер Юнайтед" марказий ярим ҳимоячиси Мануэль Угартени сотмоқчи.
Бу ҳақда TEAMtalk хабар бермоқда.
Манбага кўра, инглиз клуби Уругвай миллий жамоаси ўйинчисинининг ўйинидан қониқиш ҳосил қилмаяпти.
Иккинчи мавсумда Угарте жамоада фақат ротация ўйинчиси бўлиб қолди ва Англия Премьер-лигасида атиги етти марта асосий таркибда майдонга тушди. "Юнайтед" ярим ҳимоячи билан ёзда хайрлашишга тайёр.
Маълум бўлишича, ўйинчига Туркия ва Италия клублари қизиқиш билдирмоқда.
Угарте манкунианликлар сафида 2024 йил ёзидан бери ўйнамоқда. Инглиз жамоаси футболчини ПСЖдан 60 миллион еврога сотиб олганди. Жорий мавсумда Уругвай миллий жамоаси ўйинчиси барча турнирларда 23 та ўйинда майдонга тушиб, натижали ҳаракатлар билан ажралиб турмади. Ўйинчи билан шартнома 2029 йил ёзигача тузилган.
Ҳавола :
Манба : TEAMtalk
Фикрлар