Надаль Новак Жоковичнинг Австралия турнирларидаги иштироки ҳақида гапирди

Испаниялик теннисчи мавсумни Австралияда бўлиб ўтадиган United Cup жамоавий турниридан бошлайди.

"Мавсум бошланиши ҳар доим ҳаяжонли. Бу ҳамма учун янгича нарса бўлади. Турда неча мавсум ўтказганимни билмайман, лекин бошланиш ҳар доим ўзгача бўлган.

Йилни яхши бошлаш учун жуда ўзимга бўлган ишончим етарли. Сўнгги бир неча ой осон ўтмади. Турнир олдидан бу ерда бор кучимни ишга солишга ҳаракат қиламан ва албатта, жамоага ёрдам бераман. Энг асосийси кортда яхши кайфиятни сақлаш. Буни амалга оширишга тайёрмиз”, - деди Надаль матбуот анжуманида.

Шунингдек, дунёнинг иккинчи ракеткаси Новак Жоковичнинг Австралия турнирларига қайтиши ҳақида гапирди.

"Новак шу ерда ва бу теннис учун ғалаба! Кўрамиз. Кортда энг яхши ўйинчиларни кўриш ҳар доим яхши бўлган", - дея қўшимча қилди Надаль.