Наоя Иноуэ Аҳмадалиев билан жанг олдидан спаррингларни якунлади + ФОТО

Турнирнинг марказий жангида иккинчи энг енгил вазн тоифасида япониялик мутлақ жаҳон чемпиони Наоя Иноуэ WBA йўналиши бўйича вақтинчалик чемпион Муроджон Аҳмадалиевга қарши рингга кўтарилади.

32 яшар Наоя мазкур жангга тайёргарлик доирасида филиппинлик собиқ рақиби Марлон Тапалесни спарринг шерик сифатида танлаганди. Instagram'даги расмий саҳифасида Иноуэ спарринг жараёнлари якунланганини маълум қилди:

"Бугун Тапалес билан машғулотлар ниҳоясига етди. Энг зўр жангимни кўрсатишга тайёрман! Tapales Management ва Охашининг вакилларига раҳмат айтаман. Уч ҳафта қолди. 14 сентябрни интиқ бўлиб кутяпман", дея қуйидаги суратни изоҳлаган япониялик чарм қўлқоп устаси.

Эслатиб ўтамиз, Муроджон Аҳмадалиев WBA ва IBF камарларини айнан Тапалесга бой берганди.