Naroditsky Memorial 2026. Жавоҳир Синдаров блиц турнирида ҳам чемпион бўлди!

У рапид баҳсларидан кейин блиц турнирида ҳам чемпионликни нақд қилди. Ҳамюртимиз мусобақада 9 имкониятдан 7,5 очко жамғаришга муваффақ бўлди. Сўнгги турда рейтингда ўзидан юқорида турган америкалик Ҳикару Накамура билан тезкор дурангга имзо чекди. Америкалик Уэсли Со 7 очко билан иккинчи ўринни банд этган бўлса, 6 очкога эга яна бир мезбон шахматчи Этан Шихан кучли учликка якун ясаб берди. Ҳикару 5 очко билан 5-ўрин билан кифояланди. 

Жавоҳир Синдаров бир кун олдин рапид баҳсларида ҳам бош совринни қўлга киритганди. У чемпионни аниқлаб берган тай-брекда ҳиндистонлик Аравиндҳ Читамбарам устидан ҳар икки партияда ҳам ғалаба қозонган эди. Синдаров рапид турнирида чемпионлик билан бирга 3 000 АҚШ доллари миқдоридаги мукофот пулига эга чиққанди.

Блиц баҳсларидаги чемпионлик эса Жавоҳирга яна 6000 АҚШ доллари келтирди. Ушбу турнирда қатнашган Синдаровнинг секундант-мураббийи Муҳиддин Мадаминов 4,5 очко билан 6-ўриндан жой олди. У блиц турнирининг 1-турида Жвоҳир билан дуранг ўйнади.