Naroditsky Memorial Rapid 2026. Синдаров ва унинг устози Мадаминов финал босқичида!

Ҳамюртимиз мусобақада 7 имкониятдан 6 очко жамғаришга муваффақ бўлди. Шахматчимиз чемпионни аниқлаб берган тай-брекда ҳиндистонлик Аравиндҳ Читамбарам устидан ҳар икки партияда ҳам ғалаба қозонди. Синдаров чемпионлик билан бирга 3 000 АҚШ доллари миқдоридаги мукофот пулига эга чиққанди.

Кеча ушбу турнирнинг блиц баҳсларида саралаш босқичи ўтказилиб, финал раундига йўл олган шахматчилар маълум бўлди. Жавоҳир Синдаровга секундантлик қилаётган Муҳиддин Мадаминов саралашда ажойиб натижа қайд этди. У 8 очко билан қўшимча кўрсаткичларга кўра 2-ўринни эгаллади. Биринчи ўрин соҳиби Ҳикару Накамура ҳисобида 8,5 очко бор. Мадаминов ва Накамуранинг ўзаро партиясида томонлар 20-юришдаёқ дурангга имзо чекишди. 

Жавоҳир Синдаров саралашда ўз даражасида ўйин кўрсата олмади. Ҳамюртимиз асосий тўрга йўлланма берувчи тай-брек учрашувида иштирок этди. Жавоҳир америкалик Леньер Домингес билан муросасиз кечган партияда дуранг ўйнали. Синдаров қора доналарда ўйнагани учун финал босқичига сўнгги йўлланмани қўлга киритди. Мусобақа ғолиби 6000 АҚШ долларига эга бўлади.