30 ноя 11:41
Янгиликлар

Гимнастика

Навоийда ёш бадиий гимнастикачилар сараланди

Навоий шаҳридаги олимпия заҳиралари коллежи спорт мажмуасида бадиий гимнастика спорт тури бўйича анъанавий «Золотой Лепесток» Навоий шаҳар очиқ биринчилиги бўлиб ўтди.

Вилоят бадиий гимнастика терма жамоаси учун номзодларни аниқлаш учун ташкил этилган ушбу мусобақада Навоий вилоятининг барча ҳудудларидан 100 га яқин ёш қизлар ғолиблик учун беллашдилар.

Турнирда асосан 2006 йилдан 2017 йилда туғилган қизлар иштирок этишди. Қизиқарли чиқишлар билан барчани лол қолдирган ушбу бадиий гимнастикачи қизларимиз мусобақанинг сўнгида ҳамкор ташкилотлар, Навоий вилояти спорт ва туризмни ривожлантириш вазирлиги ҳамда Навоий вилояти бадиий гимнастика федерациясилари томонидан эсдалик дипломлари ва совғалар билан тақдирланишди.