17 дек 11:03
Янгиликлар

Бокс/ММА

"Нефть қазиб чиқарувчи мамлакатлар кубоги"да иштирок этган боксчиларимиз Ўзбекистонга қайтиб келишди + ФОТО

Теглар : Бокс

Хабар бериб ўтганимиздек, 10-15 декабрь кунлари Россия Федерациясининг Ханти-Мансийск шаҳрида нефт қазиб чиқарувчи мамлакатлар боксчилари ўртасида халқаро мусобақа ташкил этилди.

Меҳнат Қаҳрамони Фарман Қурбан огли Салманов хотирасига бағишланган мазкур турнирда 23 мамлакат боксчилари иштирок этишди.

Беллашувларда иштирок этган чарм қўлқоп усталаримиз мусобақа якунига кўра, 2 та олтин, 2 та кумуш ҳамда 2 та бронза медалларини қўлга киритишди ва умумжамоа ҳисобида иккинчи ўринни эгаллашди. Биринчи ўринни мезбон Россия терма жамоаси эгаллаган бўлса, кучли учликка Қирғизистон вакиллари якун ясашди.

Кеча мазкур мусобақада иштирок этган боксчиларимиз юртимизга қайтиб келишди. Улар Ислом Каримов номидаги Тошкент халқаро аэропортида Ўзбекистон бокс федерацияси мутасаддилари томонидан кутиб олинди.

Эслатиб ўтамиз, турнирда қуйидаги боксчиларимиз совриндор бўлишди:

-57 кг: Фазлиддин Каттақулов (олтин)

+91 кг: Лазизбек Муллажонов (олтин)

-75 кг: Абу Нуранов (кумуш)

-91 кг: Жамшид Абдуллаев (кумуш)

-63 кг: Алиёр Норалиев (бронза)

-81 кг: Шоҳрух Рустамов (бронза)

Ўзбекистон бокс федерацияси матбуот хизмати