Netflix сериалининг 10 қаҳрамонидан ҳеч бири Australian Open 1/4 финалига чиқа олмади

Netflix теннис спорт тури ҳақида «Брейк-пойнт» номли ҳужжатли сериални суратга олди ва Австралия Очиқ чемпионати бошланишидан олдин уни оммага тақдим этди. Шубҳасиз, вақт стратегик томонлама ўйлаб танланган эди, теннисни тарғиб қилиш учун "Катта Дубулға" турнирларидан кўра яхшироқ вақт йўқ.

Ўтган мавсум давомида суратга олинган сериал ўн қисмдан иборат. Сериалдаги дастлабки қисмлар ўн теннисчи атрофида қурилган. Уларнинг кўпчилиги 2022 йилда Netflix камералари остида сезиларли натижаларга эришганлиги характерлидир:

• Тейлор Фритц (чапдан биринчи) Индиан-Уэллсдаги "Мастерс" турнирида ғолиб чиқди ва АТР рейтингида Топ-10 таликка кирди,

• Паула Бадоса Индиан-Уэллс "Мастерс" турнири чемпионлигини қўлга киритди ва жаҳоннинг иккинчи ракеткаси айланди,

• Онс Жабер ва Каспер Рууд иккитадан "Катта Дубулға" финалида ўйнашди,

• Ник Киргиос ва Танаси Коккинакис Asutralian Open'нинг жуфтлик баҳсларида ғалаба қозонишди,

• Феликс Оже-Альяссим саккизта АТР турнири финалида мағлуб бўлгач, кейинги бештадан тўрттасида ғалаба қозонди,

• Айла Томлянович ўзининг сўнгги турнири - US Open'да Серена Уильямсни мағлуб этди,

• Маттео Берреттини яна бир "Улкан тож" турнири ярим финалида ўйнади ва жароҳатидан сўнг кетма-кет иккита турнирда ғолиб чиқди,

• Мария Саккари Топ-3га киришга муваффақ бўлди.

Барча ўнта Netflix қаҳрамонлари Австралия Очиқ чемпионатидаги иштирокини бошланиши керак эди. 

Аммо, турнир бошланишидан олдин Netflix қаҳрамонларининг учдан бир қисми бўлган Бадоса, Томлянович ва Киргиос жароҳатлари сабаб мусобақани тарк этишди.

Ўтган йилги ярим финалчи Берреттини биринчи раундда Энди Маррейга ютқазиб қўйганида, бу британияликнинг жаҳоннинг биринчи рақамли теннисчиси бўлганидан кейин қарийб олти йил ичида "Катта Дубулға"да кучли 20 таликдаги рақиби устидан қозонган биринчи ғалабаси эди. 

Рууд ва Жабер "Улкан Тож"да ҳеч қачон энг кучли 10 ўйинчини мағлуб эта олмаган. Фриц эса кучли 100 ликда бўлмаган Алексей Попиринга мағлуб бўлди. Ва Коккинакис теннис тарихидаги энг ақл бовар қилмайдиган камбэкда Маррейга ютқазди.

Иккита тўлиқ даврадан сўнг турнирда ўнта Netflix қаҳрамонидан фақат иккитаси қолди: Оже ва Саккари, шунинг учун Британиянинг Twitter'даги саҳифасида шундай пост пайдо бўлди: "Аниқлик киритинг: бу аниқ тасодиф...????"

Ниҳоят, Саккари дунёнинг 87-ракеткаси Чжу Линга ютқазиб, турнирнинг учинчи босқичидан ўта олмади ва турнирни тарк этди. 

Натижада, биринчи ҳафтанинг охирига келиб, Австралия Очиқ чемпионатидаги барча «Брейк-пойнт» қаҳрамонларидан фақат Феликс Оже қолди. Бу ҳолатда Netflix жавоб тариқасида Оженинг учинчи раунддаги ғалабасини "Келинг, гаплашайлик", - дея изоҳ қолдирди.

Аммо Оже ҳам мағлубият аламини тотиб кўрди. У навбатдаги ўйинида 21 ёшли Жири Лехечкага ютқазди. 

Шундай қилиб, Netflix'нинг 10 қаҳрамони турнирнинг финал ёки ярим финали уёқда турсин, чорак финалига ҳам чиқа олмади.