24 мар 11:41
Янгиликлар

Бокс/ММА

Нейт Диаснинг Жейк Пол лигасидаги жанги учун қанча гонорар олиши маълум

Бу ҳақда UFC шарҳловчиси Жо Роган ўз подкастининг навбатдаги сонида маълум қилди.

"Мен эшитдимки, Нейт Диас бўлажак жанги учун 10 миллион доллардан кўпроқ гонорар олади. Ўйлашимча, у Конор билан жанг учун ҳам шунча пул олиши мумкин эди, агар уни октагонга қайтаришса. Агар Нейт ғалаба қозонса, у ҳали ҳам UFC октагонидаги бу жангни қўлга киритиши мумкин", - деди Роган.

Бир кун аввал UFC раҳбари Дана Уайт Нейт Диас ташкилотга қайтиш бўйича музокаралар олиб боргани, бироқ Жейк Полнинг лигасидан "рад этиб бўлмайдиган таклиф" олгани ҳақидаги маълумотни тасдиқлаганди.

16 май куни Лос-Анжелесда MMA бўйича Most Valuable Promotions промоушенининг биринчи турнири бўлиб ўтади. Унинг асосий воқеаси ярим енгил вазн тоифасида Ронда Роузи ва Жина Карано ўртасидаги аёллар жанги бўлади.