Нейт Диаз UFC штаб квартирасини таҳқирлаганининг сабабини айтди

Ўшанда америкалик ММАчи навбатдаги жангига ойдинлик киритиш мақсадида штаб-квартирага боради.

"Сўнгги бор учрашганимизда у: "Яхши, ҳаммасини гаплашиб оламиз. Мен ҳозир беш дақиқада қайтаман", - дея Хантер билан бинодан югуриб чиқиб кетган эди. Ўшанда мен кўчага чиқиб, UFC штаб квартирасининг орқа ҳовлисида ўз ҳожатимни чиқардим. Уларнинг офисидан қандайдир аҳмоқона буюм ўғирламоқчи эдим, аммо тузукроқ нарса ҳам йўқ экан. Шу сабаб мен орқа ҳовлида шу ишни қилдим", - дея таъкидлаган Нейт журналист Ариэль Хельванининг TheMMA Hour дастурига берган интервюсида.

Маълумот учун, Нейтнинг UFC билан яна битта жанглик келишуви қолган.

Эслатиб ўтамиз, Нейт сўнгги бор 2021 йилнинг 13 июнида Леон Эдвардсга қарши жанг қилган эди. Аввалроқ, Диаз тезроқ UFC'дан кетмоқчилиги ҳақида хабар берган эдик.