Нганну билан жанг учун Верховенга кўпроқ пул таклиф қилишди, аммо...

Аммо кикбокс қироли Рико Верховен Жейк Пол лигасининг жозибали молиявий таклифини рад этиб, украиналик билан камроқ гонорар эвазига жанг қилишни танлади.

Бу ҳақда нидерландияликнинг ўзи Чел Сонненга берган интервьюсида айтиб ўтди.

"Сен мутлақо ҳақсан. Бу юз фоиз тўғри. MVP менга анча кўпроқ пул таклиф қилди, лекин менинг сўзим мен учун ҳамма нарса!", - деди оғир вазн тоифасидаги собиқ Glory чемпиони. 

Рико MVPдан таклиф олишдан олдин аллақачон промоутер Турки Ал аш-Шайхга оғзаки розилик берганини ва ўз сўзини бузишни истамаганини тушунтирди.

Аввалроқ сайёрамизнинг энг кучли кикбоксчиси UFC билан шартномадан воз кечгани, унга кўра ташкилотдаги дебют рақиби америкалик Деррик Льюис бўлиши кераклиги маълум бўлганди.

Александр Усик ва Рико Верховен ўртасидаги жанг 23 май куни Мисрдаги Гиза пирамидаларида бўлиб ўтади. Фрэнсис Нганну эса 16 май куни Лос-Анжелесдаги Most Valuable Promotions турнирида бразилиялик Филипе Линсга қарши жанг қилади.