17 апр 12:20
Янгиликлар

Бокс/ММА

Нганну операциядан кейинги тикланиш жараёни қандай ўтаётганини кўрсатди + ФОТО

Оғир вазн тоифасида UFC чемпиони Фрэнсис Нганну ўзининг ижтимоий тармоқдаги саҳифасига операциядан кейин тизза жароҳатини тиклаш жараёни қандай ўтаётгани ҳақидаги янги сурат жойлаштирди.

"Секин. Аммо, барқарор. Реабилитация жараёни яхши кетмоқда", — дея суратни изоҳлаган Нганну.

Нганну франциялик Сирил Ган билан жангга тайёргарлик кўраётган пайтида тиззасини шикастлаб олганди. Фрэнсис аввалроқ UFC билан амалдаги шартномаси бўйича жанг ўтказмаслигини маълум қилган эди. Унинг битта жанг учун ўртача маоши 500-600 минг доллар атрофида.

Фрэнсиснинг фикрича, кейинги шартномаси бокс билан бўлади. Чунки боксда унга кўпроқ ҳақ тўлашади. Аммо, яқинда UFC президенти Дана Уайт томонлар ҳали ҳам келиша олишларига ишонч билдирганди.