Нигина Абдураимова Калви турнирида 1/4 финалга чиқди

Мукофот жамғармаси 50 000 долларни ташкил этувчи ушбу мусобақада Нигина Абдураимова ҳам ўз имкониятини синаб кўряпти. Ҳамюртимиз икки ғалабаси эвазига 1/4 финал иштирокчисига айланди. 

Турнирда учинчи рақам остида таснифланган теннисчимиз биринчи даврада нидерландиялик Леслей Паттинама Керховени 6/4, 7/6(4) ҳисобида мағлубиятга учратган эди. Кеча ўтказилган иккинчи босқичда эса германиялик Лара Шмидтни иродали тарзда енгди. Икки соату 38 дақиқа давом этган баҳсда Нигина 3/6, 6/4, 6/3 ҳисобида зафар қучди.    

Таққослаш учун, Абдураимова WTA рейтингида 239, Керхове 292, Шмидт 493-ўринни эгаллаб турибди. Бугун Нигина 1/4 финалда турнирнинг саккизинчи ракеткаси, WTA рейтингида 283-поғонадан жой олиб турган чехиялик 19 ёшли Линда Климовичовага қарши кортга чиқади.