Нигина Абдураимова нима учун "Billie Jean King" мусобақасида терма жамоамиз сафида ўйнамаганига муносабат билдирилди

Терма жамоамиз мусобақада ёш таркиб билан иштирок этяпти. Юртимизнинг биринчи рақамли ракеткаси Нигина Абдураимова таркибда йўқ. У айни пайтда Швейцариядаги турнирда иштирок этяпти. 

Olamsport.com сайти Нигина нима учун терма жамоа сафида йўқлигини сўраб Ўзбекистон теннис федерациясига мурожаат қилди. 

Федерация вакили эса ушбу ҳолатга қуйидагича муносабат билдирди: 

"Нигина Абдураимова яқинда Франциядаги "Ролан Гаррос" турнирида иштирок этади. Шу сабабли айни пайтда қумли кортларда ўтказиладиган турнирларда иштирок этяпти. 

"Ролан Гаррос" теннис оламида нуфузли мусобақа ҳисобланади", - деди федерация вакили Olamsport.com сайти мухбири билан суҳбатда.