Нигина Абдураимова Штутгартдаги WTA турнирининг саралаш 1/2 финалида кортга чиқди

Ушбу мусобақада ҳамюртимиз Нигина Абдураимова ҳам ўз имкониятини синовдан ўтказди. Мамлакатимизнинг биринчи ракеткаси саралашнинг 1/2 финали учрашувида хорватиялик Петра Мартичга қарши кортга чиқди. Айнан Мартич саралашнинг биринчи ракеткаси сифатида қайл этилганди. 

Етмиш тўрт дақиқа давом этган баҳсда тажриба ўз сўзини айтди. Петра 6/4, 6/2 ҳисобида ғалаба қозониб, саралашнинг финал учрашувига йўл олди. Мартич айни пайтда дунёнинг 32-ракеткаси бўлиб турибди. Абдураимова эса рейтингнинг 186-поғонасидан жой олган.   

Эслатиб ўтамиз, шу ҳафта Нигина Швейцариянинг Кьяссо шаҳрида ўтказилган W60 турнирида иштирок этганди. Ҳамюртимиз илк даврада германиялик Мона Бартелни 6/3, 6/4 ҳисобида мағлуб этган, аммо иккинчи босқичда латвиялик рақибаси Дарья Семенистаяга имкониятни бой бериб қўйганди.