Нигина Абдураимова Словения турнирида 1/2 финалга чиқди

Мукофот жамғармаси 50 000 АҚШ долларини ташкил этувчи ушбу мусобақада ҳамюртимиз Нигина Абдураимова ҳам муваффақиятли одимламоқда. Мамлакатимизнинг биринчи ракеткаси бироз аввал якунига етган 1/4 финал баҳсида иродали ғалабага эришди.

Икки соату 10 дақиқа давом этган баҳсда турнирда саккизинчи рақам остида таснифланган Абдураимова германиялик Лара Шмидтни 4/6, 6/2, 6/4 ҳисобларида мағлубиятга учратди. Нигинанинг ярим финалдаги рақибаси бироздан сўнг маълум бўлади. 

Таққослаш учун, Нигина Абдураимова WTA рейтингида 250, Шмидт эса 520-поғонадан жой олган.