21 май 17:57
Янгиликлар
Теннис
Нигина Абдураимованинг "Ролан Гаррос" саралашидаги учрашувида мўъжиза рўй бермади
Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнирининг саралаш баҳслари старт олди.
Мусобақанинг аёллар ўртасидаги баҳсларида ҳамюртимиз Нигина Абдураимова ҳам ўз имкониятини синаб кўрди. Мамлакатимизнинг биринчи ракеткаси саралашнинг илк босқичида Янги Зеландия вакиласи Лулу Санга қарши кортга чиқди. Етмиш саккиз дақиқа давом этган баҳсда мўъжиза рўй бермади. Сан 6/2, 6/3 ҳисобида ғалаба қозониб, кейинги босқичга йўл олди.
Таққослаш учун, Абдураимова WTA рейтингида 303, Сан эса 128-ўринни эгаллаб турибди. Бу теннисчиларнинг ўзаро ўтказадиган илк тўқнашуви бўлди. Лули 1 та эйс зарбани амалга оширди. Нигина эса бундай зарбани йўллай олмади. Саннинг кетма-кет 5 та учрашувда ғалаба қозонгани эътиборга молик ҳолат.
Ҳавола :
Манба : olamsport.com
Фикрлар