22 сен 10:25
Янгиликлар
Теннис
Нигина Питер турнири жуфтлигида финалга чиқа олмади
Россиянинг Санкт-Петербург шаҳрида ўтказилаётган соврин жамғармаси 100 000 АҚШ долларини ташкил қилувчи мусобақа ўзининг ҳал қилувчи палласига кирди.
“Фьючерс” туркумига кирувчи Neva Cup 2017 турнирида мамлакатимизнинг иккинчи ракеткаси Нигина Абдураимова ҳам ўз имкониятини синовдан ўтказди. Яккалик баҳсларини тарк этган ҳамюртимиз жуфтликнинг ярим финал учрашувида кортга чиқди.
Россиялик Анастасия Фролова билан жуфтлик ҳосил қилган Нигина ярим финалда турнирнинг иккинчи рақамли жуфтлиги, россиялик теннисчилар - Анна Блинкова ва Вероника Кудерметовага 4:6, 0:6 ҳисобида мағлуб бўлди.
Маълумот учун, Нигина Абдураимова яккалик баҳсларининг иккинчи босқичида турнирнинг биринчи, дунёнинг 46-ракеткаси хорватиялик Донна Векичга 6:3, 6:7(2), 1:6 ҳисобида ютқазиб қўйганди.
Ҳавола :
Манба : olamsport.com
Фикрлар