24 ноя 11:20
Янгиликлар

Теннис

Ниҳоят, Ҳумоюн Султонов Калабураги турнири чемпиони!

Бироз аввал Ҳиндистоннинг Калабураги шаҳрида бир ҳафта давом этган теннис бўйича ITF турнири ўз якунига етди.

Мукофот жамғармаси 25 000 АҚШ долларини ташкил қилувчи турнирда ҳамюртимиз Ҳумоюн Султонов ҳам муваффақиятли қатнашди. Мамлакатимизнинг биринчи ракеткаси M25 тоифасига кирувчи ушбу турнирда ҳам биринчи рақам остида сараланган эди.

Ҳал қилувчи финал учрашувида юртдошимиз турнирнинг иккинчи ракеткаси россиялик Богдан Бобровга қарши кортга чиқди. Султонов 1 соату 1 дақиқа давом этган финал баҳсида рақибини ортиқча қийинчиликсиз мағлубиятга учратди - 6/2, 6/1.

Таққослаш учун, Ҳумоюн Султонов ATP рейтингида 230, Бобров эса 410-поғонани банд этган. Теннисчимизнинг ғалабали серияси 5 та учрашувга етди.