25 мар 08:46
Янгиликлар

Бокс/ММА

Ниҳоят! Ўзбекистонлик жангчи Эркебулан Токтар билан тўқнаш келади (ПОСТЕР+ВИДЕО)

25 май куни Актау (Қозоғистон) шаҳрида қўлқопсиз жанглар бўйича Urban Fighting турнири ўтказилади.

Оқшомнинг марказий жанги эълон қилинди.

Унга кўра, Қозоғистоннинг Octagon League ташкилотида BMF йўналиши бўйича чемпион бўлиб турган қозоғистонлик Эркебулан Токтар турнир доирасида ҳамюртимиз Абдумалик Ёрбўтаев билан жанг қилади. Баҳс қўлқопсиз жанглар қоидаси асосида ўтказилади.

Ушбу жанг ўтказилишини Ёрбўтаевнинг ҳам ўзи тасдиқлаган. Фақат бунинг учун у ҳам, Токтар ҳам шу ҳафта якунида ўтказиладиган жангларида ғалаба қозонишлари шарт. Уларнинг иккиси ҳам бир турнир кардида жанг ўтказади.

Аввалроқ, Urban Fighting турнирида ўзбекистонлик Бобур Абдулазизов Қозоғистон вакили Дамир Раҳимжонов билан жанг қилиши ҳақида хабар берган эдик.