Ниҳоят! UFC Арман Царукяннинг жангини расман эълон қилди + ПОСТЕР

У кўпчилик кутганидек, бразилиялик Чарльз Оливейра билан эмас, балки унинг ватандоши Маурисио Руффига қарши жанг ўтказади. Енгил вазн тоифаси етакчилари ўртасидаги ушбу тўқнашув рақамли турнирнинг иккинчи асосий жанги сифатида расман эълон қилинди.

Маълумот учун, 29 ёшли Арман Царукян бешта ғалабали серия қайд этмоқда. У ўзининг сўнгги жангини ўтган йилнинг ноябрь ойида ўтказиб, янги зеландиялик Ден Ҳукерни иккинчи раундда "учбурчак" бўғиш усули билан мағлуб этган эди.

30 ёшли Маурисио Руффи ўтган йилнинг сентябрь ойида ташкилотдаги илк мағлубиятини қабул қилиб олган (франциялик Бенуа Сен-Дени томонидан бўғиш усули билан мағлуб этилган), бироқ шундан сўнг икки бор муддатидан аввал ғалаба қозониб, озарбайжонлик Рафаэль Физиев ва америкалик Майкл Чендлерни техник нокаут эвазига таслим этган.

Айни дамда Царукян ва Руффи UFC енгил вазн тоифаси мета-рейтингида мос равишда иккинчи ва ўнинчи ўринларни эгаллаб турибди. Матбуот томонидан тузилган дивизионнинг энг яхши жангчилари рўйхатида эса улар мос равишда иккинчи ва еттинчи поғоналарда қайд этилган.