Noche UFC турнирининг асосий жанги муддатидан аввал якунланди

Бироз аввал якунига етган оқшомнинг марказий жангида Жан Сильва (ярим енгил вазн тоифаси рейтингида 6-ўрин) Хосе Дельгадони (15-ўрин) муддатидан аввал мағлубиятга учратди.

Сильва жангни жуда суст бошлади ва рақибининг ҳужумини ўтказиб юбориб, нокдаун ҳолатига тушиб қолди. У биринчи раундни бой берди, аммо иккинчи раунддан фаоллаша бошлади. Учинчи раундда эса ниҳоят ўнг қўл билан аниқ зарба йўллаб, Дельгадони қулатди. Мексикалик жангчи ўрнидан туришга муваффақ бўлди, бироқ кўп ўтмай яна партерга тушиб қолди. Сильва бу ҳолатда бўғиш усулини қўллаб, рақибини таслим бўлишга мажбур қилди.

Жанг тўхтатилган расмий вақт — учинчи раунднинг 2-дақиқаси 57-сонияси.

Жангдан кейинги интервьюда 29 ёшли Силва (18-3) яна бир бор ўзининг чемпионлик амбициялари ҳақида гапириб, ким бўлишидан қатъи назар, камар соҳибига "етиб боришга" ваъда берди.