Нодирбек Абдусатторов камбэк эвазига Жаҳон чемпионатининг финал босқичига чиқди

Жаҳон шахмат афсонасига қарши қора доналарда ўйнаганига қарамай, Нодирбек дуранг натижа қайд этди. Бу натижа ҳамюртимизни Топ-4`га олиб чиқмасди, унинг бахтига франциялик Максим Вашье-Лаграв россиялик Ян Непомняший катта устунликка эга бўлса-да юта олмади. Бу ўйиндаги дуранг натижа Абдусатторовни 13 очко билан кучли тўртликка олиб кирди. 

Бу 13 очко жамғарганлар орасида энг яхши натижа бўлди. Лаграв эса 5-ўрин билан жаҳон чемпионатидаги иштирокини якунлади. Регламентга мувофиқ кучли тўртликдан жой олганлар энди блиц бўйича жаҳон чемпионлик унвони учун ўзаро баҳс олиб боришади. 

Нодирбек ўзига хос ярим финалда ҳиндистонлик Аржун Эргаисига, Магнус Карлсен америкалик Фабиано Каруанага қарши дона суради. Ўз жуфтликларида ғалаба қозонган шахматчилар финалда жаҳон чемпионлиги, мағлублар ўзаро учрашувда учинчи ўрин курашишади.  

Жавоҳир Синдаров эса жаҳон чемпионатидаги иштирокини 12,5 очко билан 14-ўринда якунлади.