17 авг 16:06
Янгиликлар

Шахмат

Нодирбек Абдусатторов Saint Louis Rapid & Blitz турниридан қанча ишлаб олди?

Теглар : Нодирбек Абдусатторов Saint Louis Rapid & Blitz

АҚШнинг Сент-Луис шаҳри мезбонлик қилган шахмат бўйича дунёнинг кўзга кўринган гроссмейстерлари иштирокидаги нуфузли турнир якунланди.

Saint Louis Rapid & Blitz мусобақаси "Grand Chess Tour" лойиҳаси доирасидаги тўртинчи турнир бўлиб, унинг мукофот жамғармаси 175 000 АҚШ долларини ташкил қилди. Бош соврин учун биринчи рақамли шахматчимиз Нодирбек Абдусатторов ҳам кураш олиб борди.

Беш кун давом этган рапид ва блиц йўналишидаги турнир якунига кўра Алиризо Фирузжа бош совринни қўлга киритди. Франциялик гроссмейстер чемпионлик билан бирга 40 000 доллар мукофот пулига ҳам эга бўлди. Иккинчи ўринни эгаллаган америкалик Уэсли Со 30 000, кучли учликка якун ясаган америкалик Ҳикару Накамура ўз ҳамёнини 25 000 долларга бойитиб олди.

Нодирбек Абдусатторов эса 10 нафар иштирокчи орасида 8-ўринни банд этди ва 9 000 АҚШ долларига эга бўлди. Мусобақада сўнгги поғонадан жой олган ҳиндистонлик Рамешбабу Прагнанандҳа ватанига 7 000 доллар билан қайтади.