Нодирбек ҳамон якка пешқадам, Магнус Карлсен 11-ўринга тушиб кетди

Кеча "Мастерс" гуруҳида ўтказилган 6-турнинг 7 та учрашувидан 5 тасида дуранг натижа қайд этилди. Рақиби билан муросага келганлар орасида Нодирбек Абдусатторов ҳам бор. Ҳамюртимиз 6 имкониятдан 4,5 очко жамғариб, ҳамон турнир жадвалида якка пешқадам бўлиб турибди. 

Уни таъқиб этаётган мезбонлар вакили Аниш Гири ҳам кеча дуранг ўйнади. У 4 очко билан иккинчи ўринни эгаллаб турибди. Кеча ғалаба қозонган Фабиано Каруана 4 очко билан 3-ўринга кўтарилиб олди. Амалдаги жаҳон чемпиони Магнус Карлсен бу сафар рақиби билан дурангга имзо чекди ва бунинг натижасида турнир жадвалида 11-ўринга тушиб кетди.