14 фев 12:23
Янгиликлар
Спорт курашлари
Нодиржон Сафаров "Гарвард"да лицензион мусобақага тайёргарлик кўрмоқда + ФОТО
Эркин кураш бўйича Ўзбекистон терма жамоаси аъзоси Нодиржон Сафаров айни пайтда АҚШда бўлиб турибди.
Сафаров Массачусетс штати Кембридж шаҳрида жойлашган дунёга машҳур Гарвард университетида бўлажак мусобақалар, хусусан Париж-2024 Олимпиадасига йўлланма берувчи лицензион турнирга тайёргарлик кўрмоқда.
Бу университет кураш залида бутун дунёдан келган таниқли эркин курашчилар, АҚШ терма жамоаси аъзолари ҳам машғулот ўтказишяпти.
Cуратларда яна бир таниқли полвонимиз, Токио Олимпиадаси совриндори Бекзод Абдураҳмоновни ҳам кўриш мумкин.
Таъкидлаш жоиз, Осиё курашчилари учун Париж Олимпиадасининг лицензион турнири 19-21 апрель куни Қирғизистон пойтахти Бишкек шаҳрида бўлиб ўтади.
Нодиржон Сафаров ушбу мусобақага жиддий тарзда тайёргарлик кўрмоқда.
Ҳавола :
Манба : olamsport.com
Фикрлар