Новак Жокович ATP Якуний турниридан "ечилди"

Бу ҳақда унинг ўзи кеча Афина шаҳрида якунига етган ATP 250 турнирининг финалидан кейин эълон қилди. Новак ушбу турнирнинг бош совринини қўлга киритганди. 

"Туриндаги ATP Якуний турнирида иштирок этишни жуда ҳам хоҳалагандим. Афсуски, жароҳат сабаб узоқ кутилган турнирда қатнаша олмайман. Елкамдаги жароҳат қайта безовта қилмоқда. Финални ҳам жароҳат ва унинг оғриғи билан ўтказдим. Турнир ташкилотчилари ва мухлислардан узр сўрайман. Сизнинг қўллаб-қувватловингиз мен учун жуда ҳам муҳим. Барча иштирокчиларга омад тилайман. Яна кортга қайтишимни сабрсизлик билан кутяпман", - дея ўзининг ижтимоий тармоқдаги саҳифасида хабар қолдирган Новак. 

Энди Жоковичнинг ўрнини Туриндаги Якуний ATP турнирида Лоренцо Музетти эгаллайди. Новак кеча Афина турнири финалида айнан италиялик теннисчини мағлубиятга учратган эди.