13 июл 18:03
Янгиликлар

Теннис

Новак Жокович бир нечта рекордни янгилади

Дунёнинг иккинчи ракеткаси Новак Жокович Уимблдон турнирларидаги 97-ғалабасини тантана қилди.

Сербиялик теннис афсонаси мусобақанинг 1/2 финалида италиялик Лоренцо Музеттидан устун келди - 6/4, 7/6(2), 6/4. Айнан Уимблдон - унинг фаолиятидаги энг омадли турнирга айланди.

Новак Жоковичнинг "Катта Дубулға" турнирларидаги ғалабалари:

• Уимблдон (97 ғалаба);

• "Ролан Гаррос" (96 ғалаба);

• Australian Open (94 ғалаба);

• US Open (88 ғалаба).

Бундан ташқари, Жокович "Катта Дубулға" турнирлари финалида ўйнаш бўйича ҳам ўзига хос рекорд қайд этди. У 16 мавсумдан бери мунтазам равишда ҳеч бўлмаганда битта "Катта Дубулға" турнирлари финалида ўйнаб келмоқда. Бу кўрсаткич бўйича у Рожер Федерер ва Рафаэль Надални ортда қолдирди. Ҳар иккала афсона қаторасига 15 мавсум "Катта Дубулға" турнирлари финалида ўйнаган.