Новак Жокович суд қарорига муносабат билдирди

"Бугунги суд мажлиси якуни бўйича қисқача изоҳ бермоқчиман. Энди бироз дам оламан ва тикланишим учун вақт ажратаман. Кейинроқ қўшимча изоҳлар беришим мумкин.

Бу қарордан жуда хафа бўлдим, яъни энди Австралияда қолиб, Australian Open'да қатнаша олмайман. Лекин мен бу қарорни ҳурмат қиламан ва Австралиядан кетишим борасида расмийлар билан ҳамкорлик қиламан.

Сўнгги ҳафталарда барча эътибор менга қаратилганидан хижолат бўляпман. Умид қиламанки, энди бор эътиборимни ўзим ёқтирган ўйин ва турнирга қаратишимиз мумкин. Дунё бўйлаб теннисчилар, менежерлар, ходимлар, кўнгиллилар ва мухлисларга муваффақиятли турнир тилайман.

Доим қўллаб-қувватлаб турган оилам, дўстларим, жамоам, мухлисларим ва ҳамюртларимга миннатдорчилик билдирмоқчиман. Сиз мен учун катта куч манбаи бўлдингиз",-деди Новак Жокович.