26 сен 13:58
Янгиликлар

Теннис

Новак Жоковични барча даврларнинг энг яхши теннисчиси деб аташди

Бьорн Борг Новак Жоковични Рожер Федерер ва Рафаэль Надалдан устун қўйди ва уни тарихдаги энг буюк теннисчи деб атади.

"Унинг ўйинини ҳисобга олсак, мен учун Жокович барча даврларнинг энг яхши теннисчиси. Иккинчи ўринда Федерер ва Надаль, улар бу ўринни ўзаро бўлишиб олишган. Жокович 38 ёшида ҳам бу даражада ўйнашда давом этаётгани ҳайратланарли. Мен катта таассуротдаман", - дея Боргнинг сўзларини келтиради SkySports.

Аввалроқ Борг Новак Жокович "Катта Дубулға" туркумига кирувчи турнирларда 25-марта чемпион бўлишини жуда хоҳлаётганини айтганди. Шу билан бирга, швециялик теннис афсоналаридан бири испаниялик Карлос Алькарас ва италиялик Янник Синнернинг юқори даражасини ҳисобга олган ҳолда, Новак учун буни амалга ошириш осон бўлмаслигини қўшимча қилди.