Нурмагомедов чемпионлик камарини ҳимоя қилади. Рақиб маълум!

"Июль ойининг охирига жанг берилди. Машғулотларни бошладик. Залда тер тўкяпмиз", - деди россиялик чемпион ижтимоий тармоқдаги эълон қилган видеосида.

Ҳозирча лиганинг расмий тақвимида эълон қилинган сўнгги тадбир 23 май куни Брюсселда бўлиб ўтадиган PFL турнири бўлиб қолмоқда. Нурмагомедов рақиби исм-шарифини очиқламади, аммо у ташкилотнинг енгил вазн тоифаси рейтингида учинчи ўринни эгаллаб турган америкалик Арчи Колган бўлиши мумкин.

Мағлубият нималигини билмай келаётган 27 ёшли россиялик чемпион февраль ойида Дубайдаги турнирда британиялик Алфи Дэвисни учинчи раундда қўл учбурчаги усулида бўғиб, чемпионлик камарини муваффақиятли ҳимоя қилганди.

30 ёшли Арчи Колган ҳам ҳали мағлубиятга учрамаган. У PFL лигасида иккита жанг ўтказиб, ҳар иккисида зафар қучган. У Мансур Барнауи ва Жей-Жей Уилсонни ҳакамларнинг якдил қарори билан мағлуб этган.