15 июл 19:53
Янгиликлар

Бокс/ММА

Нурмагомедов - Гэтжи жанги Лас-Вегасда ўтказилади

Енгил вазн тоифасида UFC чемпиони россиялик Хабиб Нурмагомедов ҳамда америкалик даъвогар Жастин Гэтжи ўртасидаги жангнинг қачон ўтказилиши кўпчиликни қизиқтиряпти.

Sherdog сайтининг ишончли манбаларга асосланган ҳолда хабар беришича, "Йил жанги" сентябрь ойида АҚШнинг Невада штати Лас-Вегас шаҳрида бўлиб ўтади.

Сайтнинг Нурмагомедовга аталган профилида чемпионлик жангининг муддати ва манзили кўрсатилган: 19 сентябрь 2020 йид, UFC Apex аренаси, Лас-Вегас (Невада штати, АҚШ).

Эслатиб ўтамиз, 31 ёшли Хабиб Нурмагомедов ММАдаги фаолиятини 2008 йилда бошлаган. UFCдаги ҳозирча сўнггиси бўлиб турган жангини 2019 йилнинг сентябрь ойида америкалик Дастин Порьега қарши ўтказиб, муддатидан аввал ғалаба қозонган эди. Хабиб 28 жангнинг барчасида зафар қучган. Гэтжи эса шу йилнинг май ойида америкалик Тони Фергюсонни чиройли тарзда мағлуб этди. Унинг ҳисобида 22 ғалаба ва 2 мағлубият бор.