Нурмагомедов: "Топурияни мағлуб этиш осон"

"Топурияни енгиш қийин эмас. Нега? Масалан, Арман Царукян уни қандай калтаклашни билади. У ерда ҳеч қандай қийин нарса йўқ. У курашишни ёқтирмайди. Бир-икки раунд курашса ҳам, ўша ерда чидам 70 килограммга тайёр бўлиши керак. Вазн кўтарганингда ва сен Ислам Махачев бўлмаганингда, табиийки, сенга қийин бўлади", - деди россиялик Gorilla Fighting`га берган интервьюсида.

Маълумот учун, кейинги ҳафта Усман Нурмагомедов Дубайдаги PFL турнирида британиялик Алфи Дэвисга қарши чемпионлик камарини ҳимоя қилади. Илия Топурия эса ўтган йилнинг охирида собиқ рафиқаси билан судлашиш учун узоқ муддатли таътилга чиққан эди.

Уч кун олдин PFL лигаси ўзининг расмий рейтингини тақдим этди ва унда Нурмагомедов вазн тоифасидан қатъи назар энг яхши жангчилар рўйхатида етакчилик қилмоқда. Илия эса P4P UFC рейтингида иккинчи поғонадан жой олган.