Нурмагомедов UFCга шарт қўйди, у шартномани бекор қилмоқчи

Россиялик жаҳон чемпиони UFCнинг жамоадоши Зубайра Тухуговга нисбатан қўллаган жазосидан норози эканлигини айтган.

“Мен UFCга мурожаат қилмоқчиман. Нима учун сизлар бизнинг автобусга Конор ва унинг одамлари ҳужум қилганда сукут сақладинглар? Ваҳоланки, ўшанда улар икки кишига жиддий тарзда жароҳат етказишганди. Улар ўлдириб қўйишлари ҳам мумкин эди. 

Кейин Ватаним, оилам, яқинларимга нисбатан айтилган ҳақоратлар, динимга нисбатан қилинган ҳурматсизликка UFCдагилар индамай қараб туришди-ку! Энди айтингчи, нима учун иккала жамоа уришга киришган бир пайтда фақат менинг жамоам жазоланиши керак? Қани бу ерда адолат? Агар кимнидир жазолаш керак бўлса, мени жазоланглар. Бу ерда Зубайра Тухуговнинг қандай айби бор?

Зубайранинг жангини бекор қилиб, уни UFCдан хайдамоқчи бўляпсизлар. Агар сиз Хабиб индамай, барча шартларимизга кўнади, деб ўйлаётган бўлсангиз, қаттиқ адашасиз. Зубайра Конор менинг оғамни урганидан кейин унга зарба берди. Буни видео такрорлар орқали кўриб олишингиз мумкин. 

Биласизми, сизлар Хабибни бутунлай йўқотасиз. Мен шартномани бир томонлама бекор қиламан ва бошқа UFCда жанг қилмайман. Бизда россияликлар ўз яқинларини ташлаб қўйишмайди”, - дея ўз Instagram саҳифасида хабар қолдирган Нурмагомедов.