Нурмагомедов vs Фергюсон: Карантин кимнинг имкониятини оширади?

Америкалик UFC жангчиси Кевин Ли ушбу чемпионлик жанги ҳақида ўз фикрини билдирар экан, ҳозирги карантин ҳолати жанг натижасига қай даражада таъсир ўтказиши мумкинлигини урғулади. 

"Карантингача Хабибни қўллаб-қувватлаётган эдим. Айниқса, унга Дастин Порьега қарши кечган жангидан кейин мухлислик қила бошлагандим. Лекин карантин сабаб фикрим ўзгарди. Айни ҳолатда Тони ғалаба қозонади деб ўйлайман. Нимага? Ҳаммаси оддий: Фергюсон худди шу шароитда бир неча йилдан бери машғулот ўтказиб келади. Тони кўпчилик бўлиб шуғулланишни ёқтирмайди.   

Хабибда эса вазият тескариси. Унинг атрофида ҳар доим 15-20 киши бўлган. Карантин Тонидан кўра Хабибга салбий таъсир кўрсатади. Ҳамиша ҳам энг зўрлар ғалаба қозонавермайди. Фергюсоннинг ҳозир ўтказаётган машғулотларини кузата туриб, бўлажак жангда унинг ғалаба қозонишини башорат қиламан", - деди Ли.