Нурмагомедовнинг менежери: “Макгрегор ўзини қамоқхонада хавфсизроқ хис қиларди”

“Очиғини айтсам, Конор ўзини қамоқхона деворлари ортида хавфсизроқ хис қиларди. Энди Макгрегор ҳар куни Хабибни ўйлаб, ҳавотир билан яшайди. Менимча, жангга розилик бериш учун Конор ўзида куч топа олмаса керак”, - деди Абдулазиз MMA Fighting сайтига берган интервьюсида. 

Эслатиб ўтамиз, икки вазн тоифасида собиқ UFC чемпиони Конор Макгрегор спортчилар ўтирган автобусга ҳужум уюштирган ва айнан шу ҳолат бўйича кеча суд ўз қарорини эълон қилганди. 

Унга кўра, ирландиялик спортчи қамалмайди ва эндиликда фаолиятини давом эттириши мумкин. Суд Конорга зарар етган автобус таъмири ҳаражатларини қоплаш, беш кун жамоат ишида ишлаш ва уч сеансда тарбиявий машғулотларда иштирок этиш жазосини тайинлади.