04 сен 19:59
Янгиликлар
Бокс/ММА
Нурмагомедовнинг Порьега қарши жангдан қанча гонорар олиши маълум
Орзиқиб кутилаётган UFC 242 оқшомининг ўтказилишига ҳам уч кун вақт қолди.
Енгил вазн тоифасида UFC чемпиони Хабиб Нурмагомедов 7 сентябрь куни БАА пойтахти Абу-Даби шаҳрида вақтинчалик чемпион Дастин Порьега қарши октагонга кўтарилади. Ҳар икки чемпион ҳам айни пайтда Абу-Дабида сўнгги тайёргарлик машғулотини ўтказишяпти.
Бугун Хабиб Нурмагомедовнинг отаси ва мураббийи Абдулманап Нурмагомедов ўғлининг бўлажак жангдан қанча гонорар олишини маълум қилди. Хабиб жанг натижасидан қатъий назар кафолатланган 6 миллион АҚШ доллари миқдоридаги гонорарга эга бўлади.
Бу сумма Нурмагомедовнинг сўнгги ўтказган жангидаги гонорардан уч баробар кўп. Россиялик жаҳон чемпиони ўтган йилнинг октябрь ойида ирландиялик Конор Макгрегорга қарши кечган жангдан 2 миллион доллар гонорар олган эди.
Ҳавола :
Фикрлар