09 июл 22:17
Янгиликлар

Бокс/ММА

Нурмагомедовнинг UFC`даги жанги бекор қилинди

Доғистонлик UFC жангчиси Абубакар Нурмагомедов 17 июль кунига белгиланган жангида октагонга чиқмайди.

Хабиб Нурмагомедовнинг амакиваччаси америкалик Дэниэль Родригес билан жанг ўтказиши керак эди. Аммо, Абубакарнинг соғлиғи билан юзага келган муаммо сабаб жанг бекор қилинди. Бу маълумотни Нурмагомедовнинг жамоаси ҳам тасдиқлади.

"Жанг ўтказилмайди", - дейилади берилган баёнотдаги хабарда.

Маълумот учун, Абубакар Нурмагомедов ММАда 16 та ғалаба, 3 мағлубият ва бир дуранг натижа қайд этган.