Нурмуҳаммедов Олимпиада лицензияси учун курашади, Ильяс кутилмаганда мусобақадан "ечилди" + ФОТО

Бугун мусобақанинг биринчи куни эркин курашчилар 6 та вазн тоифасида Токио Олимпидасининг жами 12 та йўлланмаси учун ўзаро беллашишади. Улар орасида икки эркин курашчимиз ҳам бўлиши керак эди. 

Афсуски, номаълум сабабларга кўра Ильяс Бекбулатов лицензия учун курашмайдиган бўлди. Ваҳоланки, Бекбулатов айни пайтда терма жамоамиз билан бирга София шаҳрида бўлиб турибди. Бизга етиб келган хабарда Ильяснинг белгиланган вазн меъёрини бажара олмаган. 

Эслатиб ўтамиз, у Осиё лицензион турнирининг Олимпиада чиптаси учун кечган ярим финал беллашувида 8:0 ҳисобида ғалаба қозона туриб, мағлубиятга учраганди. Энди эса бундай ҳолат...

Унинг квалификация баҳсидаги рақиби. кореялик Юн Жунсик курашсиз нимчорак финалга йўл олди. Энди бор умидимиз энг оғир вазнли курашчимиз Дилмуҳаммад Нурмуҳаммедовдан. Халқаро тажрибага эга бўлмаган курашчимиз квалификация баҳсида австралиялик Парам Пал Сингҳага қарши гиламга чиқади. 

Маълумот учун, Токио Олимпиадаси лицензиялари фақат финалга етиб келган икки курашчига тақдим этилади. Жаҳон лицензион турнири олдидан эркин ва юнон-рум курашчиларимизда 4 тадан жами 8 та лицензия бор. 

Эркин кураш

1/8 финал. 125 кг: Дилмуҳаммад Нурмуҳаммедов - Парам Пал Сингҳ (Австралия)